Təhsilin İnkişafı Fondunun əsas fəaliyyət istiqamətlərindən biri olan “təhsil müəssisələrinin fiziki infrastrukturunun və maddi-texniki təminatının təkmilləşdirilməsi” istiqaməti sahəsində Fond və “Silk Vey Vest Aviaşirkəti” MMC arasında ianə müqaviləsi imzalanıb.

Əməkdaşlıq çərçivəsində ölkəmizin müxtəlif şəhər və rayonlarında ümumi təhsil müəssisələrinin təmiri və tikintisinin həyata keçirilməsinin dəstəklənməsi nəzərdə tutulub. Hesabat dövründə 7 məktəbdə tikinti işlərinə başlanılıb. 5 məktəb Abşeron rayonunda, 1 məktəb Kürdəmir rayonunda, 1 məktəb isə Qubadlı rayonunda yerləşir.