NİCAT MƏMMƏDLİ
İdarə Heyətinin sədri
Nicat Məmmədli 1997-ci ildə Bakı Dövlət Universitetinin Sosial elmlər və psixologiya fakültəsinin politologiya ixtisasını, 1999-cu ildə isə BDU-nun (Azərbaycanda siyasi proseslər ixtisası üzrə) magistraturasını fərqlənmə diplomu ilə bitirib. 2002-ci ildə BDU-nun dissertanturasına daxil olub. 2010-cu ildə ABŞ-nin Qərbi İllinoys Universitetinin magistraturasını ictimai siyasət ixtisası üzrə bitirib.
1999-2008-ci illərdə Bakı Dövlət Universitetinin Politologiya və sosiologoya kafedrasında, 2003-2006-ci illərdə Azərbaycan Respublikası Silahlı Qüvvələrinin Hərbi Akademiyasında müəllim işləyib.
2005-2007-ci illərdə Azərbaycan Respublikası Gənclər Təşkilatları Milli Şurasının (ARGTMŞ) Baş Katibi olub. 2006-2007-ci illərdə ABŞ-nin Kolumbiya Universitetində sosial siyasət üzrə universitet müəllimlərinin təkmilləşdirilməsi proqramında iştirak edib. Həmin müddətdə ARGTMŞ-in BMT-nin Nyu-York qərargahındakı təmsilçisi olub.
Nicat Məmmədli 2007-ci ilin iyun-dekabr aylarında Azərbaycan Respublikasının İnsan Hüquqları üzrə Müvəkilinin (Ombudsman) aparatında uşaq hüquqları bölməsinin rəhbəri vəzifəsində çalışıb. 2008-2010-ci illərdə ABŞ-nin Qərbi İllinoys Universitetinin magistraturasında təhsil aldığı müddətdə həmin universitetdə müəllim assistenti işləyib.
2010-2013-cü illərdə Azərbaycan Respublikası Dövlət Neft Şirkətinin Sosial infrastrukturun idarə edilməsi şöbəsində böyük mühəndis vəzifəsində çalışmış Nicat Məmmədli 2013-2018-ci illərdə Dini Qurumlarla İş üzrə Dövlət Komitəsinin Beynəlxalq əlaqələr şöbəsinin müdiri vəzifəsində fəaliyyət göstərib.
Nicat Məmmədli 2018-ci ildən Elm və Təhsil Nazirliyində Beynəlxalq əməkdaşlıq şöbəsinin müdiri, Elm, ali və orta ixtisas təhsili şöbəsinin müdiri, nazirinin müşaviri kimi müxtəlif vəzifələrdə çalışıb.
İki monoqrafiya, 50-dən çox məqalə müəllifidir.
Xanım Tariyel qızı Daşdəmirova 9 iyul 1988-ci ildə Bakı şəhərində anadan olub.
2006-cı ildə Azərbaycan Dövlət İqtisad Universitetinin Mühəndis İqtisadiyyatı və Menecment fakültəsinə daxil olub, 2010-cu ildə bakalavr dərəcəsini, 2013-cü ildə isə Xüsusi İstedadlar Qrupunun Beynəlxalq İqtisadi Münasibətlər ixtisası üzrə magistr dərəcəsini alıb.
2023-cü ildən İngiltərənin York Universitet & Fransanın Strasburq Universitetinin birgə proqramı çərçivəsində Maliyyə ixtisasi üzrə MBA proqramında təhsil alır.
Peşəkar fəaliyyətinə 2010-cu ildə Azərbaycan Dövlət İqtisad Universitetində (UNEC) Beynəlxalq Əlaqələr üzrə mütəxəssis kimi başlayıb. Daha sonra Aztexnika Ltd, Amec Foster Wheeler, Wood PLC , və RSM Azerbaijan Consulting Group kimi beynəlxalq şirkətlərdə layihə idarəetməsi sahələrində müxtəlif vəzifələrdə çalışıb.
Layihə və proqram idarəçiliyi sahəsində Project Management Professional (PMP®), Agile Certified Practitioner (PMI-ACP®), Professional Scrum Master (PSM I) və Professional Product Owner (PPO I) sertifikatlarına sahibdir.
2023-cü ildə keçirilən Üçüncü “Yüksəliş” müsabiqəsinin qalibidir.
2023-cü ilin noyabr ayından etibarən Təhsilin İnkişafı Fondunda İdarə Heyəti Sədrinin müavini vəzifəsini icra edir.
İngilis, rus və türk dillərini bilir.
Ailəlidir, 3 övladı var.
XANIM DAŞDƏMİROVA
İdarə Heyəti sədrinin müavini
