“Study in Azerbaijan” layihəsinin əsas məqsədi Azərbaycanda ali təhsil almaq istəyən əcnəbi tələbələrə müvafiq məlumat və dəstək təqdim etməkdir. Layihə çərçivəsində həyata keçirilən marketinq tədbirləri nəticəsində 2.2 milyon tələbəyə çatılaraq, 8248 nəfər Azərbaycanda təhsil almağa maraq göstərib.
3583 nəfər müraciət prosesinə başlayıb və nəticədə 57 nəfər üçün müvafiq universitetlərə müraciət edilərək 48 nəfər şərti qəbul təklifi alıb, 32 nəfər isə artıq Azərbaycanda tam tələbə statusu qazanıb.

Tələbələr əsasən Türkiyə, Pakistan, İran, Gürcüstan, Rusiya, Hindistan, Suriya, Nigeriya, Çin, Qazaxıstan və bir sıra digər ölkələri təmsil edir.
Bundan əlavə, layihə çərçivəsində Pakistan, Banqladeş, İndoneziya və Azərbaycandan olan 5 təhsil agenti ilə müqavilələr imzalanaraq beynəlxalq tələbələrin cəlb olunması daha da gücləndirilib.