“Peerstack Academy” layihəsi “NEQSOL Academy”, Təhsilin İnkişafı Fondu və “Technology SNI”nin birgə tərəfdaşlığı ilə həyata keçirilən, Azərbaycanda innovativ tədris proqramları təqdim edən yeni və inqilabi İT təhsil layihəsidir. Bu layihə “peer-to-peer” modelinə əsaslanır.

Peerstack Academy-nin tədris metodikası iştirakçıların birgə çalışmasına əsaslanan və dünya miqyasında tanınan “Qwasar Silicon Valley” platformasının üzərində qurulub. Bu yanaşma tələbələrə komanda ilə işləmə bacarıqlarını inkişaf etdirməyə və tədris proqramını uğurla mənimsəməyə dəstək olacaqdır.

Təhsil haqqının 70%-dək hissəsi “NEQSOL Academy” tərəfindən qarşılanır. İlkin mərhələdə proqramdan 250 iştirakçının yararlanması nəzərdə tutulub. Dərslər Azərbaycan Texniki Universitetinin yeni kampusunda layihə üçün xüsusi ayrılmış məkanda keçiriləcəkdir. Layihəyə 1200-dən çox müraciət daxil olub, 28 nəfər seçim mərhələlərini uğurla keçərək iştirak hüququ əldə edib.