“Study in Azerbaijan” layihəsinin əsas məqsədi Azərbaycanda ali təhsil almaq istəyən əcnəbi tələbələrə müvafiq məlumat və dəstək təqdim etməkdir.

“Study in Azerbaijan” layihəsi üzrə statistik göstəricilərə əsasən, 11 ölkədən ümumilikdə 70 əcnəbi tələbə proqramda iştirak edir. Onların 44-ü kişi, 26-sı isə qadındır. Ölkələr üzrə bölgüdə Pakistan 33 nəfərlə üstünlük təşkil edir, ardınca Rusiya (12), Türkiyə (8), Hindistan (4), Qazaxıstan (3), Ukrayna (3), Gürcüstan (2), Mərakeş (2), Kosta-Rika (1), İordaniya (1) və Tacikistan (1) gəlir. Təhsil pillələri üzrə isə tələbələrin 52-si bakalavriat, 18-i magistratura səviyyəsində təhsil alır.

Bundan əlavə, layihə çərçivəsində Pakistan, Banqladeş, İndoneziya və Azərbaycandan olan 5 təhsil agentliyi ilə müqavilələr imzalanaraq beynəlxalq tələbələrin cəlb olunması daha da gücləndirilib.