5 aprel 2024-cü il tarixində Azərbaycan Texniki Universitetində yerləşən Davamlı İnkişaf Mərkəzində dövlət-özəl tərəfdaşlığı çərçivəsində Təhsilin İnkişafı Fondunun nümayəndə heyəti və bir sıra özəl şirkətlər arasında görüş keçirilib.

Görüşün məqsədi Fondla əməkdaşlığın qurulması məqsədilə müraciət edən şirkətlərin fəaliyyəti, xidmətləri, təklif etdikləri layihə(lər) haqqında məlumat almaq və birgə görülə biləcək işləri müzakirə etmək olub. Sözügedən görüşdə müxtəlif sahələrdə fəaliyyət göstərən ümumilikdə 7 şirkət təmsil olunub.

Görüşdə “ProPM Mühəndislik və Konsaltinq Xidmətləri” MMC, “Start IT” tədris mərkəzi, “Canon” şirkətinin Azərbaycandakı nümayəndəliyi, “Azerbaijan Global IT Technologies” MMC, “CodeFactory” MMC və “Kəpəz Kursları” MMC-nin nümayəndələri iştirak edib.